只腳叫做好返D, 上星期終於可以出關, 即刻約FD 去食飯, 順手行埋年宵~
朋友話要試呢間, 所以係佢負責卜位同訂野食~
呢間野好神秘, 冇電話, 冇地址, 有神秘食物要預訂家~ XDDD
我地都係跟住FB 個地圖搵, 只知係對住油站既是但一座唐樓~
但個度有2棟唐樓, 咁我見糖水鋪個度閘有寫一樓係乜, 咁即係PASS啦, 另一棟就叫我FD上去探路先, 畢竟我岩岩跛完, 唔係好行得樓梯GA >< 佢探完係岩既先叫我一級一級行上去XDDD
我地個半星期前訂位, 現場所見面壁位有8個, 其餘得3台4-6人台~好細好住家FEEL 既餐廳~ ( OR 私房菜?)
呢度主打食串燒, 同類型既多數好貴唔抵食~
呢度價錢公道同埋真係好味既~係唔錯既~
應該係要黎吹水, 而唔係黎食飽飯.
但我地兩條女完全係澱粉質之友~
😂😂
好似未食過飯咁呀!!!! 癲左~
我地一共叫左.
牛油果沙津 $50 牛油果同D 醬油好夾呀~ 係咪就係傳說中既扮三文魚FEEL?
雞泡魚乾 $40 點解咁好味既?
蟹膏山藥 $36 呢個一出黎好香, 勁香, 不過太細唔夠喉呀!
鮑魚X 2 各$50 (要預訂) OK既~
清酒煮蜆 $42 (要預訂) 好香
牛舌一串. $30 有3塊
和牛串一串 $48 呢個冇乜驚喜留返食其他~
午餐肉一串.$26 (要預訂) 成支雪條咁, D人話好好食, 但我食完覺得好咸~可能我平時都唔太LIKE 午餐肉~
雞軟骨一串. $24 朋友既.冇試,但唔係三角雞軟骨黎既~
年糕 $24 都係朋友叫, 冇試.我個人已夠哂林, 唔洗再食呢D XDD
原味及明太子燒飯團 各$28 食完呢個再追加下面個飯.
牛油蔥飯. $26 超好味, 超邪惡!! 痴線既~~~
初時我地有諗過, 既然食串燒, 係咪都係食少少野, 暖下胃算呢? 因為多數都唔會食得飽, 要飽既會好貴嘛~
然後, 估唔到我地狂隊澱粉質咯~痴痴地. 然後飽哂去行花市~GOOD! XDDD
食得飽黎講, 價錢都算合理同埋佢D 味道真係好食, 咁咪值咯~
可以ENCORE .. 環境好舒服, 吹水好地方~
留言列表
旅遊 (4)
