VV BLOG

今日我FD 又帶我去食好野~~~未介紹之前...我想講, 呢間野堅得!!
如果有睇開我寫觀塘區食LUNCH既介紹時, 應該會覺得我有D MEAN 同成日嫌貴~
 好多時呢D野係相對既, 你畀到好野食我, 我就會覺得抵食~ 你D野唔好食, 又賣貴一貴既時候, 我梗係同你計啦係咪先?!

好喇..入返正題先~
今日個FD 帶我去佢公司附近, 又食過幾次既餐廳~
1988, 睇到呢個即時諗... 喂係咪食韓野? 請回答1988?  定D店主係1988 年出生?~ 哈哈~唔知呀冇問呀!

 

上到黎先知原來食泰菜既..

 

 

 

LUNCH 價錢由$68-$88, 可加配小食~
符合我既PRICE RANGE 既~飲品寫明跟餐加幾多, 好過下下問店員, OK 清楚~

 

呢個係咪杯墊黎? 幾靚又咁快EASTER~ 但佢係薄紙,放個杯上去係會爛既XDDDD 
因為我FD 食過, 佢介紹左幾樣, 又搞到我好爭扎,  係我地爭扎完後, 就嗌左.

菠蘿炒飯$ 88

 

菠蘿炒飯 $88~ 呢個係我想食既~~~~

 

我跟青檸梳打. 

 

OK 多蝦家,. 重要係大大粒~~~

呢個上黎先, 所以食左先, 雖然佢唔係用菠蘿上菜, 不過佢好夠料, 份量十足~
我覺得好好味家~ 有菠蘿個感覺冇咁膩~~~食到一半就上左個牛腩喇~

黃咖哩牛腩配白飯$ 78

 

然後我FD 叫黃咖哩牛腩配白飯 $78

 

佢跟西柚茶~ 
WA WA WA!!! 我FD 話咖哩牛腩好食時, 我都冇乜理佢, 心諗, 咖哩者, 普通野啦, 有幾好食者?~  我地初時想放棄呢個, 佢叫豬手..
但我又唔係好LIKE泰式豬手WOR, 最後就畀佢跑出!!
好在有叫到咋, 佢真係好味WOR!
痴線家, 個菠蘿炒飯已係成兜飯,呢個又一大碗飯, 但我地食哂左呀!!!!
好恐怖, 好罪過., 好邪惡!!! 食鬼哂D 汁!!
肉冇數到幾多件, 之但係兩條友密密夾都重有既, 唔會要你讓我, 我讓你驚死唔夠分個D~
個汁好好味, 唔辣既, 撈飯一流!
肉係夠淋, 不過覺得瘦左D, 乾左D,不過都唔會痴牙~
 如果可以用返連帶筋有少少肥肉個D牛坑腩既話,  應該重正!!!!

呢個價錢, 同個咖哩, 值得ENCORE!!!!!!
本身個菠蘿炒飯係我揀家, 但食完呢個後, 我已叫我FD 你隊埋個菠蘿去..XDDDD
我要個咖哩 WKAKAKAAK 勁衰!!!
肥.. 咪就係有原因架咯~~~ 成日抗拒唔到D汁!!!!