今日約左個舊朋友黎呢度食LUNCH~ 牛頭角近佢屋企呀!!! 又係一間工廈餐廳, 不過呢間就唔駛搭工廠LIFT, 因為佢有獨立門口, 獨立樓梯~ 上到黎好闊落, 好大~座位舒適~
SET LUNCH 由$88-268 不等~~ 包沙律吧, 餐湯及飲品.
特飲要加錢~
點餐後就出去自助SALAD BAR 羅野食~
沙律選擇多, 有唔同既沙律菜, 粟米芯, 粟米粒, 紫洋蔥.麥包~ 個包好味喎!!!
喂~我建議D 洋蔥圈切半, 成個圓形好難夾又好難塞入口, 搞到好狼狽 XDDD
是日餐湯係粟米忌廉湯, 好似係真材實料既, 唔似開罐頭~~~好味!!!
我地叫左.炭燒美國特級牛肉眼扒(十安士) $268
喂!!!一上台已好香喇, 炭燒果然唔同~ 我未飲完湯都真係好忍唔住~
我地兩個SHARE 食既, 畀我一野就分哂去... 好靚好JUICY~唔會燒乾左~~~ 勁好味!!!!
炭燒日本鹿兒島黑豚肉扒 $188
呢個都係不得了~~~ 我想話只豬香過碟牛~~~ 因為佢夠肥咯~ 咁厚都唔韌唔乾身~
又係明知有肥膏都照吞~因為燒得實在係太香口喇~脆卜卜咁, 我唔捨得分開D 肥膏呀呀呀呀!
但係個牛我有飛走條肥膏邊既.因為佢地可以分開到咯 WAKKAKA (都唔知咩理論)~~~
D 薯菜都好有水準, 薯蓉夠味, 好似畀我食哂咁~我FD冇乜點食~
翠肉瓜同埋紅籮白都係有味家, 要知道有時D伴碟配菜一般都係滾水過一過就完, 呢個係有煮淋同入哂味的~~ 唔係HEA 野~~~
我好中意呢間野呀!!!! 雖然係貴. 旦貴得黎有水準!!! 炭燒真係好鬼香又引死人家~~~
同埋店員都好有禮貌!就算我地坐係餐廳一角, 我抬高頭想搵人時, 佢地已即時畀到反應我過黎了~~~加分呀!!!
張單唔好掉, 羅住張單食晚市有九折家~要搵日帶FD 黎食過呀!!!!
留言列表
旅遊 (4)
