今日生日, 揀左去BBQ HEA 下, 唔想諗去邊度食又限時限刻咁~

同埋冬天係要BBQ 既~ 今日咁凍, 岩哂!!!
平時去BBQ 一係揀屯門, 一係揀大埔~
不過身為觀塘人都係覺得大埔近D, 而且有FD 住大埔, 就好順利成章咁去呢度啦~
今次係第一次黎麥師傅, 以前有試過去門市買BBQ野食返去村屋度自己BBQ~
個時食過豬鞍扒已好正~咁我都相信佢開得市食賣野食唔錯之下, 個BBQ 場都應該唔會衰得去邊先.
價錢$140 有5個鐘都算公道, 以前去開係附近既BBQ場已加到幾離地, 所以今次先想試新野~
可以自己帶野食, 不過唔好帶飲品喇~ 其實佢地飲品都唔係賣得好貴, 一般便利店價錢~

我地5點入到黎~唔太多人, 任坐~
佈置都唔會迫到冇位行同聽到隔離台講野咁~

有充氣彈床畀細路放電~

入場後有派飲品劵同食物劵, 4人份量分左一大盤野食先.

唔好睇佢D野好似好淡口冇乜吸引咁, 樣樣衰衰但燒出黎夠味又好味~

自制豬扒包~

尤其係個尤魚, 好夠味, 不過就比較咸左D喇~~~好多醬料都已痴左係個網度, 食落都重好咸呀!
我地自己都帶左個網同夾, 買左D 海鮮去燒~

中間我地有買左盒, $10 既蒜蓉牛油黎燒海鮮~畀佢賺啦~ XDDD

食到半路, 麥師傅出左黎巡場WOR~ 佢見我地吉緊豬扒, 睇唔詔眼黎幫手~~~ 重教我地點燒~
之後, 我又想燒時, 塊豬扒太大塊, 搞唔掂, 又召喚左麥師傅過黎幫手~
點知佢重落埋場燒埋畀我~~WOW WOW~~~~正呀!!

佢話要低燒~~~~

重羅左呢個汁出黎, 我見佢只羅左3杯出黎畀3台人咋~~~ 有幸試到, 叫我地點豬扒~~~

的確係正好多既~~~ 佢燒個塊係超JUICY!!!!!!! 同一款肉, 大師真係大師呀!!! 如果你地去到見到真人都真係要捉住佢唔好放過~~~~ XDDDD
食埋呢個生日蛋糕就飽哂...我地都由5點燒到10點幾先走...唔多人都唔會趕你走~任燒~~~

但原來B下B下有霜凍警報, 係個度又FEEL 唔到有咁凍, 應該係關個爐事啦XDDD
今日咁凍都陪我癲, 多謝哂BUDDIES~
整體黎講, 呢度雖然無乜靚既佈置, 吸引人既SIDE TRACK~
不過D野食真係好食既, 價錢都唔太貴~
同埋平時D BBQ場都係好爛仔FEEL~ 打去問野又串咀..擺明你中意黎就黎啦~ 入到黎我話哂事你地咪嘈個D...
呢度就冇乜呢個感覺, D阿姐,阿叔都好樂意幫你加炭~
同埋都真係難得有個老闆出黎巡場, 重要教你點燒~
唔係由你燒錯左呀, 抵你死啦個D~ XDDDD
所以我又覺得幾有HEART! 可以ENCORE呀!
呀重有一點都幾重要, 個TOILET 乾淨冇臭味~
不過可惜只有踎廁~我整到腳去TOILET 都真係一大考驗黎..= = 同埋每台送畀你既廁紙都真係超鞋既, 有要求既唔該自備TISSUE 同濕紙巾~
避免用到發爛渣~ XDDD